鬱結在心中的情緒可以舒緩，是多麼的美好！

雖然，這並不代表問題已經解決，甚至更繁瑣，可是，就是這種感覺了！就是了！

本想24號打日記，實在太忙啦，已經好多晚唔夠瞓，仲以為讀完書可以過返d正常人既生活，起碼早睡早起呀，不過原來係唔可能既！

尋晚真係支持唔住啦，到九點左右，見天文台話十一點會掛八號風球，都唔理係未凌晨時又會改返三號，豁出去…瞓啦…！真係好開心，終於可以瞓到十一個小時，當然鬧鐘照舊早上五點同六點叫我一次，又開住收音機聽情報，不過總算係咁啦！

***********

如果，我既人生有X咁多歲既話，我已經過左一半啦，有人問我想點慶祝，我沒有慶祝，不過每年都會回想一D人生問題，其一會想下，當年今日，媽媽係點冒住生命危險生我出黎，最近父母身體都變差了，他們耳朵都很不靈光，連我係媽媽身旁說話，佢都聽唔到，兩老時時因「溝通唔到」而吵鬧。

前兩天收到消息，有朋友既父親係大陸時腳痛，後來發現腳骨有骨折情況，返港CHECK，真係骨折，但沒有跌親既記錄，相信都估到係咩事，對！癌症！係未期，要去靈實住個種。唉~~，佢地一家冇咩錢，父母年齡很大，子女年輕，大女這兩年才出身，細女讀中二，中仔做緊野啦，他們又唔識得買保險，當然都冇錢買，情況會越來越差。

*************** 

昨天發生一件好好笑既事，下午班有個細仔向我迎面走來，平日我都會向小朋友伸出「肉臂」，逼佢地過黎比我抱，呢個仔抱左佢一次，我又遞手，佢又再過來，不過…哈~~~今次佢抱住我時同我講…「母親節快樂」！笑死我！

今年有咩想做呢？

第一︰孝順父母！用多D時間陪佢地！

第二︰考慮是否續約！加我雞碎咁多，一D都唔尊重我！

第三︰對自己身體好一點！早睡早起！

第四︰整理下自己！買D野揸下，玩下。

最迎玩緊「紅酒面膜」(未試)、

「除面毛唇毛棒」(好好玩)、

「神奇海綿捲髮球」(好搞野)，仲有「去水腫排毒貼」(好恐怖，第日影張相比大家睇)。

我以前從來都唔理身世，無論用衛生棉、洗頭水、沖涼液、整頭髮等物品，都係只會買特價野，而唔理係未適唔適合自己用，到而家呢個年紀先識得理下自己身世，先學會跟媽媽一齊玩，佢後生時只有打仗同打工，聽佢講返後生時既野真係好心痛呢！

好啦，唔寫住啦，要做試卷啦，祝自己身體健康先！長命過父母同細佬！野…打到我眼濕濕添！

為左呢個活動，命都短幾年，唔通我真係過唔到個日？唉~~~！家下成身濕晒！都唔知為咩！

大家忙了一個晚上，亦為了日誌的標題討論一翻，結果係…我都忘記了！

類似係…發花瘋…發「好」咁上下，為左主角我會去學下「好」字點寫！

今晚實在太累，明天又有活動，睇下有冇精神遲d再寫…，好累！

謝謝各位同事的幫忙，大家辛苦啦！

最近有機會見到幾位藝人的本尊呢！(死囉…看得娛百太多…用左台灣字！)

之前參觀新城見到紫昕姐姐，她比我的感覺唔錯，好舒服！

跟住上次去花展見到馬俊偉，佢好高呀！他令我欣賞既係因為他以前時時都係杜文惠節目到唱歌，是唱現場既，仲識好多好舊既歌添！

星期三去東港地食飯就係超市見到李克勤，他好似一般人咁推住車車揀貨，佢居然唔戴墨鏡同帽子，很像一般的爸爸呢！大家又好乖冇騷擾他。(後記︰仲見到小豬添…哈~~~係東港城大電視播返佢上次十二月到香港片段姐…！)

好得意既感覺，我好難將真人同電視上見到既人連起來，哈~~~同化不得！

今日找到一個bib網，有轉角的小說。對這種東西真的完全不懂，像一個無知！

又找到一個自稱同電視台同步的網址，試試看吧，不怕看不到，只怕中了毒？我中毒還是電腦呢？

是正式放假！

3月21日星期五，很早就起來了，爸媽去晨運後就call我出去食早餐。吃完了就去商場洗手間去，正等待廁格時，一個穿制服的女孩子衝進來，一看就知她要拉肚子啦，所以先讓她進去啦！她真的好急呢…連出來的太太告訴她沒廁紙都聽不到呢！不久她就要向隔壁的我求救啦！於是就送她一包tangle紙巾啦，還問她要不要油，她猶豫一會就說要啦，本想出去問媽媽借的，平時她都一定有…可是…沒有了！於是就跑去7-11買來給她呢！三十幾蚊呢…！更要買兩包紙巾給自己入貨啦！給她藥油我就走啦！

跟住就抱住「放假…遊車河」的心情到黃埔新城啦！很奇怪，放假心情就真的不一樣，不怕乘錯車，不怕趕時間，就是慢慢行的。

下車後，到黃埔碼頭看看風景吹吹風，不過…真的有點冷，感性不來了耶！

可惜的是，到了新城，門口的殺Q伯伯說︰今天公眾假期啦，負責禮物的小姐放假啦，而且電台裝修啦！

真失望呢！

可是，又可能是放假吧，就到附近的「吉穿島」走走，想不到那麼早就已經有很多人逛街呢！

再乘車回家後，哈~~~忍不住又買新衣服呢！

尋日學校爭D要摺埋！成七個先生，包括書記冇返！所有助教空群出動！

細拉仲話︰得個兩張通告咋！佢都唔知校務處忙到死！連校長都要出黎站崗。

今日，同老黃又有D唔開心啦！

星期日打左張崗位表，廿九號搞親職講座，因係全日，已經好煩架啦！有人要返上午，有人要返下午，我先問左校務處同事有冇人要下午返學先，返學當然一定就佢。老黃唔肯返上午，又唔係因要返學，BUT安排到既，所以就返上午，今日佢見到要返上午時好開心，其實又真係好開心既！不過旁邊有助教係到，佢地大部分都返下午，後來她見到要做MC，好大反應話︰唔做司儀呀…咁多家長係到…！收到又有先生請假已經好火既我已控制唔到自己好大聲咁講︰唔好影響D先生！司儀又唔做…咁做opening喇！

我自問已經比d好野大家架啦！我都想揀野做囉！大家都出過崗位表，應該知道「係要做囉！」同埋出完崗位表實要有好多野聽架啦，預左！估唔到第一擊係意料之外囉！

都唔知點解要自己攞野黎做！吃力不討好！星期日仲要打比校長問佢d詳情，乜鬼都唔知，唯有盡做！份野又要比呢間學校又要比個間！又話要opening，又話要小朋友帶位，又話要比新生參加，又話要比街外生，又話要比博覽會的家長，咁點姐！又要lee又要路，都要做架啦！

呢年來時時都為左工作的事同老黃發生正面衝突，真係唔想！工作姐…要錢姐！我唔係嬲！係真係好唔高興！

你一定得既，因為我都一學就會啦！

Twinkle Twinkle Can't you see
你看，那不就是閃亮的未來嗎？
Need you need you but let you go
需要你，但是為了你好　還是讓你走吧

Somebody said to me　that life is a mystery
曾有人對我說　　　人生是千變萬化的
And that you never know　what's out there I'll be waiting for you
而且你永遠不會知道　　我在等待著妳
Everything is meant to happen　to write A story of life
蛛絲馬跡意味著要發生　　　寫下你的故事人生

Even when you are　so alone
即使你感到寂寞
Even when you are　so afraid with this loneliness
即使你覺得害怕一個人
You'll be alright　cuz it will lead your way
你不用害怕　因為它將會指引你未來的道路

Come on Twinkle Why don't you clap your hands
為什麼你不舉起雙手加入我們？
Just open your door　for the better tomorrow
敞開心胸　　　　迎接更美好的明日
and Play your own life　like you're a movie star
讓生活過得像電影明星般閃耀
Don't you know that we're all dreamers
難道你不知道我們各各都是夢想家嗎？

The future's in your hands and here's the map showing the way
未來的地圖由你的雙手親自畫作
To find yourself again　a part of you we never knew
再一次的去尋找連我們都不曾看過的自己
Tell yourself it'll be alright　To give up and swallow your pride
放下驕傲與尊嚴　　　　告訴自己一切都會好轉

Believe in yourself　Don't be afraid
相信你自己別害怕
All your worries　will go away because
你將衝破你心中的問題與顧慮
You will fight to win your life　with strength to carry on
因為你會用強大的力量去贏得漂亮的生活

Suddenly the sadness took my soul
悲傷突然侵入我的胸懷
Away like a rain on perfect day
一場大雨下在完美的一天
But let me go and live my life
讓我自由，我要活出我自己

Come on Twinkle Why don't you clap your hands
為什麼你不舉起雙手加入我們？
Play your own life like you're a movie star
讓生活過得像電影明星般閃耀
Come on Twinkle Why don't you clap your hands
為什麼你不舉起雙手加入我們？
Just open your door for the better tomorrow
敞開心胸　　　　迎接更美好的明日
and Play your own life like you're a movie star
讓生活過得像電影明星般閃耀
Don't you know that we're all dreamers
難道你不知道我們各各都是夢想家嗎？
And we walk out the door dreamers
讓我們築夢踏實吧！！夢想家們

剛剛才完成一件應該是在久很久以前就要完成的工作，就是報稅了！

其實剛交了上期的稅款，是遲交的，罰了款，現在又沒交今年稅單，直到人家送上最近通碟，都沒有理會，今晚，唉~~~~完成了！應該會再收到信交罰款呢！

今晚學人去左睇…opera~~Aida~~!

個人好似忽然好有文化咁，我唔係只係睇劇同小豬架咋！

已經很久沒有寫日記了，一個月？不止吧！是不想寫嗎？不是，應該說是沒有心情和氣力寫了！

自八月尾以來，一周上七天班，星期六、日在所難免。

代班的日子是怎樣過的？相信只有同病的才可相憐吧！

當中有多少次想放棄、辭職，可是一想到小朋友會變成孤兒就打消念頭了，雖然第一天代課已胃痛一整天，安慰的是，得到部分家長的認同。

十月一日想寫九月心情，亦想寫新老師到職的矛盾心境，可是…通告、旅行計畫書、收支預算表…等工作就用三天寶貴的假期。剛出獄的我，今天收到一個「天大喜訊」，就是以為今年沒有了的小學運動會來了，剛找到了心中想的歌，剪輯好，錄好，可是，不知什麼原因，不小心的把mp3中的音樂全都刪了，mp3姐姐還說︰「我吃飽了，不要再逼我吃！」可是，她就如一個患有厭食症的女兒一樣，她已經把肚子內所有的東西都吐出來了，為什麼要說「飽」呢！

我已經聽了比賽歌曲幾十次了，令我想起籌備畢業典禮時，我都是一連幾個星期重覆的聽「言謝春風」一樣，由不懂到懂，現在新歌應該會溶入我體內呢！

本也想寫寫今天校長的驚人舉動，她主動的問我是否與冷氣皇有些問題，我亦不諱的直說一切，當然時間所限要能盡言，可是，得些好意雖回手，我不是想趕她走，而是，她實在太過份吧！

很累，要睡了！

02:08:59

現在滿腦子都是twinkle.......twinkle....twinkle............twinkle，help~~~~~!

02:13:26